UP! Radio (UNED Pontevedra Radio), situada na planta principal do centro, nace como un espazo aberto á creatividade, á comunicación e á participación de toda a comunidade universitaria.

Este espazo está concibido como un punto de encontro para o desenvolvemento de podcasts, programas divulgativos, entrevistas e proxectos audiovisuais, así como para calquera iniciativa cultural ou comunicativa impulsada por estudantes, profesorado, persoal do centro ou calquera persoa interesada en compartir ideas e experiencias a través do formato sonoro e audiovisual.

UP! Radio conta con contidos xa dispoñibles en formato de vídeo, onde se recollen entrevistas, podcasts e programas realizados no estudio, achegando o coñecemento, a actualidade universitaria e diferentes temas de interese á sociedade.

Equipada para facilitar a gravación, produción e difusión de contidos, UP! Radio pretende fomentar a expresión, a aprendizaxe práctica e a creación de proxectos colaborativos utilizando os novos formatos dixitais.

Un espazo para dar voz ás ideas, compartir experiencias e conectar a universidade coa sociedade.