Centro de Orientación e Emprego

O COIE é o Centro de Orientación e Emprego do C.A. da UNED en Pontevedra. A través deste servizo especializado, poñemos á disposición do estudantado, persoas tituladas e de posgrao, así como de todas aquelas persoas interesadas en matricularse no noso Centro, o asesoramento e a orientación académica, profesional e de inserción laboral necesarios para afrontar os estudos e o seu proxecto profesional coas maiores garantías de éxito.

• COIE Sede Central

• Consultas

Está situado na primeira planta, na zona de administración, e conta co seguinte horario:

COIE:

• Horario de atención: martes e xoves de 16:00 a 20:00 h.
• Coordinadora: Dª. Aline Vallejo Costas
• Enderezo electrónico: coie@pontevedra.uned.es
• Teléfono: 683 143 223
• Cita previa vía mail

Orientación Laboral:

• Orientador laboral VIGO: D. Jorge Sieiro Froiz

• Enderezo electrónico: jsieiro@pontevedra.uned.es

• Cita previa vía mail

   

Para mellorar o servizo, rogamos que cubras o noso cuestionario de satisfacción aquí.

Orientación Académica

Nesta área de traballo acompañámoste na elección e planificación dos estudos, no proceso de adaptación e integración académica, así como na adquisición das competencias e técnicas de estudo necesarias para estudar na UNED. O noso principal obxectivo é favorecer o traballo autónomo e autorregulado do estudantado, así como facilitar a toma de decisións académicas. Ofrecémosche axuda personalizada antes, durante e despois dos teus estudos.

Orientación Profesional

Nesta área tratamos de facilitar o proceso de toma de decisións, baseado no coñecemento dun mesmo (actitudes, aptitudes, intereses, cualificación e motivación) e das oportunidades laborais (características do mercado laboral, novos xacementos de emprego, etc.).

• Ferramentas para coñecer o potencial profesional:
  • Autoexploración e autodiagnóstico.
  • Desenvolvemento de competencias de empregabilidade.
• Información sobre saídas profesionais e perfís profesionais.
• Asesoramento para a elaboración do proxecto profesional:
  • Identificar fortalezas e debilidades.
  • Establecer obxectivos a curto, medio e longo prazo.
  • Definir os pasos para alcanzalos.
• Orientación na toma de decisións, relacionando capacidades e intereses coas posibilidades reais do mercado laboral. Información sobre tendencias do mercado laboral:
  • Exploración de oportunidades laborais.
  • Formación en técnicas de busca activa de emprego.
  • Reorientación da carreira profesional.
  • Asesoramento nas transicións profesionais.