Gipuzkoan
erreferentziazkoa den
zure Unibertsitate Online
eta Presentziala

UNED-Bergararen bitartez zu bezalako pertsona askok, ikasketak hasi, osatu edo utzi zuten karrera amaitu ahal izan dute beren lana edo egoera pertsonala uztartuz.

Orain zure txanda da!

Ikasteko metodologia erdipresentziala eskura duzu, eta, horri esker, zure neurrira konbinatu ditzakezu bai online prestakuntza eta bai klasera joatea eta “aurrez aurreko” tratua izatea Gipuzkoan bertan.

Autonomiarekin ikasi baina hurbiltasuna, orientazioa eta etengabeko laguntza eskaintzen dizkizun zentro baten laguntzarekin.

Unibertsitate Prestakuntza
eta Berezko Ikastaroak
guztiontzat

Adin eta profil guztietako 1.400 pertsona baino gehiago matrikulatzen dira urtero UNED-Bergaran.

Ikasteko aukera zabala duzu:

1· Unibertsitate Prestakuntza:  30 gradu (gutxieneko notarik gabe), 75 master, mikrograduak, doktorego-programak, 25 eta 45 urtetik gorakoentzako unibertsitaterako sarbidea, hizkuntza ikastaroak…

2· Berezko Ikastaroak: berezko ikastaroak eta etengabeko prestakuntzako ikastaroak, gaitasun profesional berrietarako.

Europako campus handieneko kide gara, bai ikasle kopuruari dagokionez, bai jakintzaren arlo guztietako eskaintza akademikoari dagokionez: Arteak eta Humanitateak, Zientziak, Gizarte eta Lege Zientziak, Osasun Zientziak, Ingeniaritza….

Nazioartean azpimarratutako unibertsitate prestakuntza prezio publikoetan! 

Zure matrikulazioan
laguntzen dizugu

UNED-Bergaran zure lan egoera edo egoera pertsonala
gure prestakuntza metodologiarekin bateragarri
egiten laguntzen dizugu. Eta, halaber, matrikulatu
beharreko ikasgai kopurua finkatzen, zure prestakuntzan
modu errealistan aurrera egin dezazun.

Ikasturte berria eta
gure ikasleen lorpenak ospatuz

Joan den ostirala, azaroak 14, egun oso berezia izan zen UNED-Bergara osatzen dugun guztiontzat: zuzendaritza, irakasleak, langileak, ikasleak eta haien senideak, Gipuzkoako unibertsitate publikoaren proiektu hau babesten duten agintari guztientzat...

Izan ere, 2025-26 ikasturtearen hasiera ekitaldia eta aurreko ikasturteetan ergresatutako ikasleei diplomak ematea ospatu genuen.

Oso ekitaldi hurbila izan zen. Inaugurazio ikasgaia Ixusko Ordeñana, EHUko Zuzenbide Prozesaleko irakasleak eman zuen.

Gipuzkoako Foru Aldundiko, Bergarako Udalako, UNED zentraleko ordezkariak eta UNED-Bergarako zuzendariak parte hartu zuten.

Guztiak zoriondu ziren gure unibertsitateak 50 urte hauetan egin duen ibilbideagatik, eta gipuzkoar guztien eskura dagoen gure prestakuntza proposamen publikoaren indarra eta ekarpena zein balio soziala aldarrikatu zuten.

85 egresatuetako batzuk eta euren familiak Bergarako Udaletxeko Pleno Aretora gerturatu ziren euren diploma jasotzera.

Guztiontzako zorioneko tartea izan zen, eta UNED-Bergaratik eskerrak eman nahi dizkiegu gerturatu ziren guztiei. Eta, nola ez, zorionak eman nahi dizkiegu ikasleei eta haien familiei, egindako lanagatik eta ahaleginagatik.

Zorionak guztiei !!!

• Komunikabideetako inpaktuak deskargatzea
• Goienako bideoalbistea ikusi
• Argazki bilduma ikusi

Gure ikasleei
erreportaia

El Diario Vasco egunkariak orrialde bikoitza argitaratu du
UNED-Bergarako ikasleei egindako elkarrizketa batekin
(2025eko azaroa). Elkarrizketatutako lau ikasleak, profil eta
egoera pertsonal desberdinekin, ezin hobeto irudikatzen dituzte
gure ikastetxean urtero matrikulatzen diren 1.400 pertsona
baino gehiago guztiak.

Erreportaia honetan, gure metodologia erdipresentzialaren
aukerak nola aprobetxatu dituzten aipatzen dute: tutoretza presentzialak
eta birtualak, online materiala eta liburutegi funtsak,
beste ikasleekin harremana, gure tutoreen laguntza...

Juan Antonio Jiménez, Maialen Igartua, Helga Massetani eta Maria
Longarte ikasleei eskerrak eman nahi dizkiegu, UNED-Bergaran
ikastea nolakoa den hain bikainki deskribatzeagatik.

PDFa jaitsi
Online albistea